Jólakveðja fjölskyldunnar 2013

Kæru vinir og vandamenn. 

Árið hefur verið viðburðarríkt hjá fjölskyldunni. Sem stendur býr ekkert okkar á Íslandi heldur erum við dreifð á þrjú lönd í Evrópu, og löndin sem um ræðir eru öll í Evrópusambandinu og því um einstaklingsaðildir að ræða. Ekki að við veltum okkur mikið upp úr því.

Í upphafi ársins skelltu hjónin sér í "sumarfrí", ekki á Kanarí, heldur til Afríku. Marokkó varð fyrir valinu og mæla þau með því að sólþyrstir Íslendingar prufi þetta til tilbreytingar frá Kanarí. Meðan hjónakornin voru í sólinni fékk Vala, yngsta dóttirin, að vera eftirlitslaus heima, eða nánast.

Fljótlega varð ljóst að hugmyndin um að flytja úr landi til eins árs gæti orðið að veruleika. Allt fór að miðast að því og boltinn fór að rúlla. Húsið sett á sölu og fataskápar og geymslur flokkaðar og Hafnfirðingar gátu gert kostakaup í götusölu ársins sem stóð í 3 mánuði. 
Húsið seldist þó ekki, en er enn til sölu fyrir áhugasama. 

Hera

Það fór svo að við höfum öll stundað nám þetta haustið, bæði í háskólum og fjölbrautaskóla.

Hera er nú á sínu þriðja ári af fjórum í leiklistar og leikstjórnar námi í leiklistar skólanum The Kogan Academy of Dramatic Arts í London. Hún býr þar með kærasta sínum Guðmundi sem stundar tónlistarnám og er trymbill með meiru í hljómsveitinni Johnny and the Rest.  Nám Heru  er mjög tímafrekt og því sjáum  við ekki mikið af henni né nokkur annar utan veggja skólans. Henni líkar þó námið vel og það er frábært.

Hekla

Hekla hætti að starfa á leikskólanum Grænuborg í sumar en þar hefur hún starfað undanfarin tæp 2 ár. Hún fluttist til Malmö í Svíþjóð í haust til þess að læra friðar og átakafræði við háskólann þar og líkar það jette bra. 

Fjölnir tók sér ársleyfi frá því að vera sérstakur og ákvað að skella sér í eins árs mastersnám í þróunarfræði við háskólann í Amsterdam. Því fluttu hjónakornin með yngstu dömuna þangað nú í haust.

Vala

Vala lauk sínu öðru ári í framhaldsskóla í vor og varð loksins 18 ára og fékk því langþráðan kosningarétt. Í haust hefur hún svo stundað fjarnám við Fjölbraut í 

Ármúla og hollensku nám í háskólanum hér í Amsterdam. 

Arndis er enn í bókmenntafræði í Háskóla Íslands og er farin að flytja fyrirlestra með nýjustu tækni yfir hafið. Einng ákvað frúin að láta dökku lokkana hverfa og leyfa þeim gráu að taka yfirráðin á höfðinu og fer það

Arndís og Fjölnir

henni svona ljómandi vel.

Næsta ár mun vera fullt af nýjum ævintýrum fyrir fjölskylduna. Vala, Fjölnir og Arndís ætla að flytjast til Vestur-Afríku í rúmlega tvo mánuði þar sem Fjölnir mun gera rannsókn á menntun og Vala ætlar að bjarga heiminum á meðan og mamma hennar að hjálpa til. Mögulega mun sjást til okkar í heimalandinu á næsta ári. Nema ævintýri beri okkur á brott.

Við sendum ykkur öllum okkar bestu hátíðar og nýárskveðjur.

-Vala,Hekla,Hera,Fjölnir og Arndís.


Sendum með smá dansatriði sem við fjölskyldan höfum verið að vinna að:
Dansatriði fjölskyldunnar